Муус устар 2 күнүгэр Дьокуускай куоракка Гражданскай уопсастыбаны сайыннарыыга анаммыт Ил Дархан Граннарын туһунан пресс-кэмпириэнсийэ ыытылынна. Гражданскай актыбыыс күнүгэр туһуламмыт пресс-конференцияны Саха Өрөспүүбүлүкэтин ыччат дьыалатыгар уонна социальнай коммуникацияҕа министиэристибэтэ тэрийдэ.

Тэрээһиҥҥэ кэммиэрчэскэйэ суох тэрилтэлэр, федеральнай уонна региональнай граннар кыайыылаахтара кытыннылар. Мустубут дьону миниистир Петр Шамаев эҕэрдэлээтэ. Өрөспүүбүлүкэ үрдүнэн 2500 кэммиэрчэскэй суох тэрилтэ баарын итиэннэ сыллата 100 социальнай бырайыак олоххо киирэрин бэлиэтээн эттэ.

Үөрүүлээх түгэҥҥэ култуура көҕүлээһиннэрин өйүүр Бэрэсидьиэн фондун куонкуруһун бастакы түһүмэҕин “Сүр көтөҕүү” үҥкүү искусствотын бэстибээлин бырайыагынан ситиһиилээхтик кыттан кыайыылаах тахсыбыт “Кыталык” оҕо-ыччат эстетическэй киинигэр

Ил Дархан Айсен Сергеевич Николаев илии баттааһыннаах махтал суругу туттардылар. Үҥкүү кэрэ эйгэтигэр утумнаахтык үлэлии-хамсыы, айа-тута сылдьар дьоммутугар итии-истиҥ эҕэрдэбитин тиэрдэбит!

Мэҥэ Хаҥалас улууһун дьаһалтатын пресс-сулууспата