Бэ5эьээ Сочи куоракка сахалар Колизейга сурдээх учугэй тэрээьиццэ астына, дуоьуйа биир дойдулаахтарбыт уонна Россия уонна Саха Сирин культууратын утуелээх улэьитэ Винокуров Василий Павлович иилээн-са5алаан ыыппыт саха тылын уонна сурук-бичик кунун сэргэхтик бэлиэтээтибит. Дойдубут минньигэс астарынан кундулээн, уеруубут муцура суох. Куруутун ессе да интириэьинэй тэрээьиннэри тэрийэн, дойдубут ахтыл5анын, культуратын тургута, ессе да ыцыра турун диэн ба5а санаабытын тириэрдэбит. Барыгытыгар махтал буоллун💝 Адлерга олорор сахалар💚

 

 

Мин 13.02.2026 Сочига саха тылын кунугэр анаммыт наьаа учугэй тэрээьиннэ сылдьан, астыныы бегетун астынан кэллим. Быьа холоон отуттан тахса киьи кыттыыны ылан, бука бары дуоьуйа сынньанан, уерэн-кетен таргастылар. Агам саастаах, орто саастаах, эдэр ыччат, кырачаан оголор — бука бары бииргэ мустубуттара керуеххэ наьаа учугэй, киьини олус уердэр. Тэрээьини бэлэмнээбит белех сурун салайааччыларыгар Василий Павлович, Александра Гаврильевна Винокуровтарга, Анжелика Петровна Баишевага барга махталбын биллэрэбин. «Кыталык» ункуу ансаамбылын теруттээбит Винокуровтары билбэт саха суох буолуохтаах. Кинилэр билигин дойдубутуттан кый ыраах кэлэн тереебут тылбыт кунугэр урдук суолталаах уонна патриотическай иитиигэ олус наадалаах улэни ыыта сылдьаллара наьаа кэрэхсэбиллээх, да махталлаах дьыала. Дьоро киэьэни Василий Павлович бэйэтэ иилээн-сагалаан ыытта. Кемулуеккэ Саха сириттэн кэлбит оту-маьы, сылгы сиэлин оттон, буруо таьааран, алгыс тылларын этэн, бука барыбытын Саха Республикатын Ерегей ырыатын (гимны) ыллатан, мустубут дьон санаатын кетеген, дууьатын ере куурдэн, сахабыт тылын кунун урдук таьымнаахтык бэлиэтээтибит. Оьуохайбыт да табылынна, тылын Алена диэн кэрэчээн кыыс таьааран бырааьынньыгы киэргэттэ агай. Кэнсиэрбит тэрээьин сагаланыагыттан бутуер дылы тарганан барда диэххэ сеп. Бастакы нуемэри — 50 сыллаагыта Маргарита Суворова ыллаабыт ырыатын истэн, онтон уерэн Василий Павлович туруорбут ункуутун Анжелика Баишева наьаа учугэйдик толорон, барыбытын наьаа уертэ. Кыталыктар сааьыран да баран, ункууну ере тута сылдьалларын бэккэ кердердулэр. Кэрэ анаардар бэйэлэрэ онорбут киэргэллэрин кердердулэр. Василий Павлович вальсы сепке ункуулуургэ мастер-класс да кердерде. Бутэьигэр дойдубут аьынан толору тардыллыбыт сандалыга ынырыллан, тото-хана аьаан, астынан, багалаахтар ункуулуу, саастаах дьон сынньана таргаспыттара. Мин ессе тегул Василий Павловичка, норуотун туьугар улэлии-хамсыы сылдьарын илэ харахпынан кереммун махтанарбын уонна сугуруйэрбин биллэрэбин. Тус бэйэбэр бу киниэхэ народнай артист аата бэриллиэн наада диэн санаа уескээтэ. Ону ким туох дии саныырый?
Василий Николаевич Павлов, почетный ветеран РС.