🕺 Бэҕэһээ киэһээ Новосибирскай куораттан үөрүүлээх сонун көтөн кэллэ — «Кыталык» норуодунай ансаамбыл III Бүтүн Арассыыйатааҕы үҥкүү олимпиадатын Гран-при кыайыылааҕынан ааттанна!

👍 III Бүтүн Арассыыйатааҕы хореография куонкурус-бэстибээлигэр үрдүк ситиһиини «кыталыктар» «Алаас оҕолоро» үҥкүүнэн ыллылар. Үҥкүүнү ансаамбыл төрүттээччитэ Василий Винокуров туруорбута, уус-уран салайааччы Александра Соловьева.

👏 Салгыы Ханты-Мансийскай куоракка Норуоттар сомоҕолоһууларын күнүгэр, сэтинньи 4 күнүгэр, буолар «Возьмемся за руки, друзья!» Аан дойдутааҕы бэстибээл лауреаттарын улахан гала-кэнсиэригэр кытта айанныахтара.

🙌 Оҕолорбутун дьоһун ситиһиилэринэн эҕэрдэлиибит уонна өссө да үрдүккэ кыырайа көтүҥ, «кыталыктарбыт», диэн алгыспытын ыытабыт.