Өбүгэлэрбититтэн ыла төрүттэммит үтүө үгэспитинэн, Үрдүк Айыыларбытыттан алгыс ылынар Үрүҥ Тунах Ыһыахтар күннэрэ үүммүттэринэн доҕоттоор!
Ыһыах алгыһа үрдүк ситиһиилэргэ кынаттаатын, үтүөнү-кэрэни түстээтин! Ил-эйэ эҥэрдэстин! Дьол-соргу тосхойдун! 🌿🌿🌿

«Кыталык» үҥкүү норуодунай ансаамбыла бэс ыйын 12-14 күнүгэр Хара, Аллараа Бэстээх ыһыахтарын сиэригэр-туомугар, эҕэрдэ кэнсиэрдэригэр кыттыыны ылла. Ону таһынан Аллараа Бэстээххэ культура киинигэр баһаартан эмсэҕэлээбит дьоммутугар аһымал-акция кэнсиэргэ бэйэтин кылаатын киллэрдэ. Манна Аллараа-Бэстээхтээҕи филиалбыт оҕолоро В.П. Винокуров салайааччылаах үгүс сыраларын анаатылар.

Бэс ыйын 15 күнүгэр Хорообут нэһилиэгэр Дойдубутугар Улуу Кыайыы 80, Саха национальнай геройа Манчаары Баһылай 220, Мэҥэ-Хаҥалас улууһа төрүттэммитэ 95 сылларыгар аналлаах «Улуу Кыайыыны уруйдуур олоҥхо Ыһыаҕар» кыттыыны ылла. «Сүр көтөҕүү», «Кыталык», «Приветственнай» үҥкүүнэн кыттыыны ыллылар. 🌱🌱🌱