Саргылаах Саҥа Дьылы “Кыталык” иитиллээччилэрэ ахсынньы 24 күнүгэр бэлиэтээтилэр. Оҕолорбут Д.Ф. Ходулов аат. норуот айымньытын дьиэтин коллектива туруорбут бэртээхэй саҥа дьыллааҕы көрдөрүүнү астына дуоһуйа сэргээтилэр. Остуоруйа, ойулук дьоруойдарын кытары бииргэ флешмоб үҥкүүлээн, оонньуу арааһын оонньоон көрү-нары көҕүлүттэн туттулар. “Кыталык” ОЫЭК дириэктэрэ ааспыт 2024 сыл түмүгүнэн үтүө көрдөрүүлээх, үгүс ситиһиилээх оҕолорбутугар грамота туттарда. Араас дьэрэкээн маскарадтаахтар бэлэх ыллылар. Ол кэннэ, үөрүүнү үксэтэн, уоттаах-күөстээх үҥкүү киэһэтигэр сынньаннылар. Оҕолорбутугар үүммүт саҥа сыл үгүс ситиһиини, дьолу тосхойдун!