Алтынньы 16 күнүгэр улууспут олоҕор биир кэрэ-бэлиэ күн үүннэ. Бу күн Алтан нэһилиэгэр олохтоохтор ыра санаа оҥостон өр сылларга күүппүт «күөх төлөннөрүн» кэлиитин бэлиэтиир үөрүүлээх тэрээһинэ ыытылынна.

🔹 Нэһилиэккэ гаас кэлбитин туоһулуур бэлиэ остуолбаҕа «күөх төлөн»  уотун СӨ Ил Дархана Айсен НИКОЛАЕВ уматта.

‒ Дойдубут Бэрэсидьиэнэ Владимир Путин нэһилиэнньэлээх пууннарга гаас ситимин тардыыга социальнай өйөбүлү оҥорор бырагырааманы көҕүлээн, дойдубут үрдүнэн улахан хабааннаах үлэ-хамнас күүскэ барар. Бүгүҥҥү күҥҥэ биһиги өрөспүүбүлүкэбитигэр 7,5 тыһыынча  дьиэҕэ гаас киирдэ. Итинтэн 600-тэ  ‒ Мэҥэ Хаҥалас улууһугар. Гаас кэлиитэ дьон-сэргэ олоҕун таһымын лаппа үрдэттэ.
❤ А.П. Соловьева уус-уран салайааччылаах ️ «Кыталык» норуоднай үҥкүү кэлэктиибэ гаас ситимэ киирбит үөрүүлээх аҺыллыытыгар кыттыыны ылла.