Ахсынньы 17 күнүгэр Аллараа Бэстээххэ В.П.Уваров аатынан «Парус» спортивнай комплекска «Кыталык — 2023» сыллата ыытыллар спортивнай-бальнай үҥкүүгэ өрөспүүбүлүкэтээҕи турнир буолан ааста. Бу күн өрөспүүбүлүкэ араас муннуктарыттан: Амматтан «Слобода» үҥкүү бөлөҕө — салайааччы Сахаяр Дорофеев, Бүлүүттэн «Ай-лаана» — салайааччы — Светлана Зинурова, Намтан «Ручеек»- салайааччы Москвитина Надежда, Уус Тааттаттан «Надежда» салайааччы — Лукина Надежда, «Татыйык» салайааччы Голикова Елизавета, Дьоккуускайтан «Кэрэ эйгэ» салайааччы — Соловьева Мария, «Мозайка» салайааччы — Сивцев Михаил, Аллараа-Бэстээх 2 нүөмэрдээх оскуола салайааччы — Майя Ноева, Майаттан «Күндүл» салайааччы — Саргылана Павлова, «Кыталык» салайааччы — Илья Крылов, Василий Винокуров, Хатыҥ Арыыттан «Сыдьаайа» салайааччы — Анжелика Ноговицына кэлэн күөн көрүстүлэр. Уопсайа 173 киһи кыттыыны ылла. Үҥкүүһүттэр ветераны, гранд сеньоры, сеньоры, юниоры, дети, бөлөххө арахсан күрэхтэстилэр. Сүрүн суудьуйа — үҥкүү спордун федерациятын президенэ Михаил Захаров. Кыттааччылар мэтээллэринэн, дипломунан, оҕолор минньигэс бирииһинэн наҕараадаланнар үөрэ көтө тарҕастылар